تحت خط الفقر ساكن
تحت خط الفقر ساكن & بعيد عن دنيا المساكن
فى المدينه الحزينه & اللى لون سكنها داكن
تحت خط الفقر ساكن
مش هنقول عنون سكنا & تحت بيتنا احنا ادفنا
هنقول ليه الحزن خنا & عايز اقول كتير ولكن
تحت خط الفقر ساكن
فى المدينه كتير بيوت & فيها حياه وفى قلبى موت
والليل سكوت والعنكبوت & ناس بتصرخ بأعلى صوت
وكل يوم شايلين تبوت & والموت سكن كل الاماكن
تحت خط الفقر ساكن
وفى اى وقت الناس تزورنا & نقول بيوتنا تقول قبورنا
وليه الحقيقه يا دنيا مره & ولا تنصفينا يا حلوه مره
وطلعينا فى يوم لبره & والهم زاد وفى قلبى راكن
تحت خط الفقر ساكن
بص فى كل الوشوش & تلقى الظلم فى الرموش
وتجرى لو جرى الوحوش & تلقى اللقمه يا دوب ولكن
تحت خط الفقر ساكن
ناس يتاكل كالديابا & وناس بتاكل كالضباع
شاب بايت فى النيابا & واسره عايشه فى الضياع
ليه وفين & انتا ولكن
تحت خط الفقر ساكن
ياما ناس شايله شهادات & عايشه على ذكرى السادات
والحزن من كل الفئات & نفسى احلم بس لكن
تحت خط الفقر ساكن
لسه فى عيونا الامانى & نبكى فينك يا جمال
يجى زيك؟ لا محال & ولا يمكن تيجى تانى
وتصحى فى قلوبنا الامانى & ونرجع مع بعض تانى
امجدنا لسنينا تانى & هو حلم بس لكن
تحت خط الفقر ساكن
تحياتي
EL MANSY
[ندعوك للتسجيل في المنتدى أو التعريف بنفسك لمعاينة هذه الصورة] 
موضوع: تـحـت خـط ـالفقر سـآكـن 
